PIAV TXOG PEB

Hmoob Kev Ncig Teb Chaws yog leej twg?
Peb Hmoob Kev Ncig Tebchaws yog rhawv tsim los ntawm cov  Hmoob uas tuaj nrhiav uas tuaj nyob rau hauv lub tuam ceeb nroog Ha Noi. Tus sawv cev ntawm Hmoob Kev Ncig Teb Chaws  yog Txawj Pov Xyooj nyob rau lub xeev Tuyen Quang tuaj. Nws yog ib tus muaj pluaj siab hlub txog yus haiv neeg, thiab xav nrhiav pab yus haiv neeg. Thiaj tau tso Vaj tso Tsev tseg tuaj nyob hauv nroog ib leeg thiab tuaj nrhiav txoj hau kev taug.




Lub  homphiaj:
Peb lub homphiaj yog coj kev sib pab los rau ib tsoom neeg tuaj poob rau peb lub tebchaws. Cov peb lub tebchaws tej kev zoo nkauj, tej chaw zoo nkauj, tej chaws ncig, peb Hmoob tej zej tej zos thiab peb Hmoob lub neej txoj kev coj noj coj ua mus nthuav rau ntiajteb paub txog.

Lub  zeem muag:
Nrhiav kev tawm sab nraud, nrhiav txoj hau kev los pab yus lub zej lub zos dhau los ntawm kev coj neeg ncig tebchaws. Nrhiav txoj hau kev rau peb tej tub tej ntxhais uas tsis muaj hauj lwm ua, nrhiav txoj hau kev nrhiav hauj lwm rau lawv. Txawm peb tsis muaj, tiamsis peb yuav ua phoojywg nrog cov tuam txhab thiab yuav pab qhia coj yus haiv neeg mus nrhiav hauj lwm ua. Muaj kev cob qhia yus haiv neeg kom txawj rov los pab yus tus kheej.

Kev  tos txais qhua:
Peb muaj kev txais tos txhua tus kom zoo. Peb yuav muaj neeg tuaj txais tos qhua tom tsav tsheb thiab tshav dav hlau yog hais tias qhua cheem tsum. Dhau li ntawd peb yuav pab nrhiav Hotel, nrhiav tsheb, pab yuav pib dav hlau, pib tsheb nqaj. Thiab muaj neeg coj nej mus ncig, txhua qhov raws li peb qhov tours. Yuav coj thiab pab qhia yam uas peb lub tebchaws raug cai thiab tsis raug, tias ua yam ntawd puas txhaum lub tebchaws txoj cai, thaj chaw twg tsis zoo mus, kev ncig kiab ncig khw yuav ua li cas, coj mus noj tej zaub mov uas qhua xav noj, mus ncig kiab khw  uas qhua xav mus, thiab neeg Nyablaj teb coj li cas. (Yog xav tau tus coj li siab xav, yuav tau ntxiv nyiaj).

Kev pab lwm tus uas tsis mus tours:
Peb zoo siab pab txhua tus uas xav tau kev pab xws li: Nrhiav hotel, nrhiav tsheb, yuav pib dav hlau, yuav pib tsheb nqaj, pab coj mus khw, pab coj mus ncig, pab qhia tej yam uas raug cai thiab tsis raug cai thiab tej yam uas peb pab tau peb yuav pab kawg peb lub  zog,  yog tias sawv daws cheem tsum kev pab ntawm peb.

Thov kev pab:
Thov ib tsoom Hmoob txhua tus pab txhawb peb thiab. Dhau li ntawd yog peb coj nej mus lawm, los yog peb  tau pab nej, thiab txawm tsis tau. Yog yam nej pom tias peb ua tsis tau zoo thov pab qhia kom peb paub kho, tej yam tsis raug kev raug cai thov nej pab qhia. Tej yam tsis tsim nyog ua thov pab qhia es peb thiaj paub tso tseg, tej yam uas tsim nyog ntxiv rau thov pab qhia es peb yuav ntxiv rau. Vam hais tias ib tsoom txhua tus yuav pab txhawb peb  thiab. Dhau li ntawd ho nrhiav kev txhawb peb haiv neeg poob qab nyob pem yaj sab, uas txom txom nyem, pab li uas nej pab tau. Hmoob Kev Ncig Teb Chaws thov ua nej tsaug ntau ntau.

HMOOBTOURS

      Lus txais tos thiab tshaj tawm

       Nyob zoo ib tsoom niam txiv kwv tij neej tsa txhua tus. Hmoob Kev Ncig Tebchaws zoo siab txais tos peb ib tsoom Hmoob thiab lwm yam tib neeg los ncig peb tebchaws Nyablaj teb.

        Peb muaj kev yuav coj nej mus ncig cov chaw ua si uas zoo nkauj tshaj ntawm peb teb chaws no. Peb teb chaws Vietnam no muaj cov chaw ncig ua si li: Sapa, Bac Ha nyob rau Lao Cai. Ha Long Bay nyob Quang Ninh. Moc Chau, May Chau nyob rau Son La. Ho Tay, Ho Guong, Van Mieu Quoc Tu Gian, Bao Tan Doc Toc thiab Ho Bay Mau nyob rau Ha Noi. Yav qab teb muaj Hoi An, Hue, Quan Nam, Mui Ne, Nha Trang, Vung Tau, Phan Thiet, Dat Lat, Sai Gon thiab Dong Ban Song Cuu Long. Cov chaw no puav leej yog cov chaw uas nrov nrov xwb, yog leej twg tau mus lawm yuav nco mus li xwb. Zoo siab txais tos sawvdaws los mus ncig.

       Peb kev txais thiab tu qhua
        Kev txais tos sawvdaws yog kev lom zem rau peb. Peb yuav txais tos thiab tu sawvdaws kom zoo li zoo tau. Peb muaj neeg yuav tos nej tom chaw nres tsheb los yog tshav dav hlau, peb yuav pab nej nrhiav Hotel raws nej nyiam, yuav nrhiav tau yam zoo tshaj thiab tus nqi kom haum tshaj ua ntej yog nej xav tau.

        Muaj kev pab qhia tias thaum taug kev mus ncig yam dabtsi tsim nyob ua thiab yam dabtsi tsis tsim nyog. Yam twg txhaum txoj cai thiab tsis txhaum. Qhia txog tej kev yuav khoom nyob teb chaws no, thiab coj nej mus noj tej zaub mov nej xav noj.

     Yam tshwj xeeb ntawm peb
       Peb muaj qhov piav txog Hmoob keebkwm khiav Suav teb los rau Nyablaj teb no, thiaj khiav mus rau Laos teb thiab ntxee mus Thaib. Hais txog “peb Pojkoob Yawgkoob los tuag ntshaib tuag nqhis tuag no rau Toj 'Tuag No Dawm Tuag Tshaib'“ thiab niaj hnub nim no peb cov Hmoo tseem niaj hnub taw kev qhuab ke mus rau “Toj Tuag No Dawm Tuag Tshaib“. Dhau li ntawd peb muaj kev uas yuav mus saib cov Qub Nom Hmoob tej qub vaj qub tse uas thaum ub lawv tau nyob, thiab nim no Tseem Hwv Nyablaj tau muab ua chaw rau neeg ncig teb chaws tuaj saib. No yog yam tshwj xeeb ntawm peb.

     Peb lub zeem muag yav tom ntej
      Yuav dhau mus ua lub tuam txhab tu qhua zoo tshaj. Yog lub Tuam Txhab muaj yam zoo tshaj, tu zoo tshaj tiamsis tus nqi yuav pheej yig tshaj. Muaj kev luv nqi rau cov tibneeg uas mus ntau zaug. Muaj luv nqi rau cov Hmoob thiab tseem muaj ntau yam luv nqi ntxiv, tsis tas li ntawd yuav muaj khoom plig pub rau cov qhua uas mus ntawm peb lub tuam txhab no thiab. Hom phiaj ncav kom cuag ib tsoom neeg thoob ntiajteb tshwj xeeb yog Hmoob.

       Peb kev pab yus neeg
        Txais hluas Hmoob uas paub lwm yam lus los ua hauj lwm coj neeg ncig tebchaws. Peb tus neeg Hmoob yog cov paub ntau hom lus tshwj xeeb yog Hmoob, vim li no thiaj yuav pab tau peb tsoom Hmoob, peb txais tshwj xeeb cov txom nyem. Dhau li ntawd nrhiav kev kawm kom lawv txawj lus lwm yam ntau. Pab nrhiav hauj lwm rau tej me nyuam ntsuag.

       Thov kev pab ntawm sawvdaws
        Thov ib tsoom sawvdaws yog hais tias nej pom peb muaj tej yam tsis haum nej siab thov pab qhia kom peb paub kho. Yog hais tias muaj yam dabtsi tu ncua thov pab qhia thiab. Yog hais tias nej muaj tswv yim dabtsi pab qhia peb, kom peb thiaj yuav muaj qhov tu tau sawv daws zoo tshaj tshwj xeeb yog peb Hmoob. Muaj lus ua tsaug ntau.

Peb chaw xa ntawv thiab txais nej li xov
        Tus thawjcoj: Tswv Yim Xyooj
         Cov txais ntawv: Pao Xiong, Yaus Thas Thoj & Ntxoov Fwj Muas
        Chaw txais ntaub ntawv: Leb 5/29, to 42, ngo 123 Xuan Thuy, phuong Dich         Vong Hau, Cau Giay, Ha Noi, Vietnam
        Xov tooj: Mr. Pao Xiong (+84) 979 655 751
                              Mr. Yaus Thas Thoj (+84)982 958 645
                       Mr. Ntxoov Fwj Muas (+84) 168 441 5540 
        Email: hmoobtour@gmail.com & chutinh09@zing.vn